Bugis@叻沙・海南雞飯 (已結業)

其实V city啲嘢食不嬲都好贵，如果想食平，我谂依家算系最抵食， 一个lunch set 60蚊到。虽然佢有好多选择，但系我哋不约而同都拣咗印尼炒饭，一共叫咗5个。印尼炒饭个色好深色但系就唔算话好有味，不过佢个沙嗲鸡肉同埋虾嘅味就好够，可以补救下，特别要赞嘅系𠮶个虾肉，几弹牙，好食！正嘅就系佢可以拣黑糖珍珠豆浆，好好饮，不过对于唔钟意甜野嘅我来讲就真系有少少过甜。朋友就叫咗个咖喱牛腩椰香饭，咖喱真系几唔错，有少少似日式咖喱嘅味道。有两个朋友叫咗蜜汁叉烧大碗饭，感觉真系几丰富，而且只系$52，仲有嘢饮。上一次我食咗佢𠮶个咖喱鱼柳，真系一啲都唔好食，所以都唔再咁叫大碗饭。不过朋友食完蜜汁叉烧就觉得唔错嘅，如果想悭钱就值得一试啦！