影片
更多
2020-11-12
1034 浏览
餐厅其实6点钟先开门, 我早到左5点几, 要等到佢开门, 大家有早到习惯既人都要注意!今次叫既系外卖, 外卖自取会有85折优惠! 餐厅装修靓,同都算华丽, 厨房系对外, 呢个都系厨师有信心比客人望到佢地点制作拉面先会对外开放.位置我觉得坐得算舒服, 呢到服务好好, 店员有耐心, 同埋愿意serve 客人!今次叫左一个拉面, 一个沾面, 想试下外卖会唔会好影响个味道.鸡白汤拉面(98$), 拉面同汤系会分开放, 面仲系好弹牙, 唔会拎到返去冻晒啦,我家都算远, 返去都7个字左右, 但神奇既系d汤都系热热地所以保暖都系唔错,如果有再远d朋友, 就可以堂食会好味d, 如果拎到返去系冻左既话, 可以试下自己加热整返热先倒入去.白鸡汤本身味道都好浓, 主要我觉得系汤好滑, 作为呢到主打汤底, 必定要试!白鸡汤沾面(138$)既汤都系分开放的, 沾面感觉汤底浓度比刚刚既拉面浓多1.5~2倍左右, 面身比较粗,比拉面更弹牙和比拉面更易吸汤. 我自己个人喜好prefer 沾面多d! 沾面份量都好似比较多.叉烧够大件, 有小小肥, 食入口有小小溶溶地既感觉, 口感比较爽口d. 本身肉比较干,点d汤去食
餐厅其实6点钟先开门, 我早到左5点几, 要等到佢开门, 大家有早到习惯既人都要注意!今次叫既系外卖, 外卖自取会有85折优惠!
餐厅装修靓,同都算华丽, 厨房系对外, 呢个都系厨师有信心比客人望到佢地点制作拉面先会对外开放.
位置我觉得坐得算舒服, 呢到服务好好, 店员有耐心, 同埋愿意serve 客人!
今次叫左一个拉面, 一个沾面, 想试下外卖会唔会好影响个味道.
鸡白汤拉面(98$), 拉面同汤系会分开放, 面仲系好弹牙, 唔会拎到返去冻晒啦,
我家都算远, 返去都7个字左右, 但神奇既系d汤都系热热地所以保暖都系唔错,
如果有再远d朋友, 就可以堂食会好味d, 如果拎到返去系冻左既话, 可以试下自己加热整返热先倒入去.
白鸡汤本身味道都好浓, 主要我觉得系汤好滑, 作为呢到主打汤底, 必定要试!
白鸡汤沾面(138$)既汤都系分开放的, 沾面感觉汤底浓度比刚刚既拉面浓多1.5~2倍左右, 面身比较粗,
比拉面更弹牙和比拉面更易吸汤. 我自己个人喜好prefer 沾面多d! 沾面份量都好似比较多.
叉烧够大件, 有小小肥, 食入口有小小溶溶地既感觉, 口感比较爽口d. 本身肉比较干,点d汤去食更好!
整体呢间餐厅比我感觉系好有特色, 因为白鸡汤我目前只知呢到有得食.
另外服务都系一流的. 感觉到以客至上既服务.
张贴
