翠園 (荃新天地) (已結業)

美心集团的酒楼一直是家中长辈的最爱，荃新天地的翠园老实讲食物质素高既，但服务态度就差到贴地。-入座后呆企几分钟等人执枱，执完枱呆坐几分钟等人开茶，个个问饮咩茶但个个都唔冲，等左劲耐先发觉冇人冲，又问一次叫咩茶，仲健忘过老人家。-写完点心纸又举手成分钟先有人黎收，加茶叫左3次，3次d人应左都唔记得，最后等到口都干就索性自己去冲茶。-请留意以上情况发生于闲日，并唔系假日，场内仲有两成空枱，未坐满未爆场架，爆场就不得了啦，可能要你自己入厨房拎点心出黎。-依间酒楼应该唔驶收10%服务费啦，态度仲差过茶记，楼面呀姐串过小巴司机，服务何在呢?