榴蓮王 (已結業)

最近去甜品店都忍唔住点榴梿甜品，朋友见我咁钟意食榴梿，就同我讲庙街有一间专卖榴梿产品嘅甜品铺。难得呢日喺油麻地食完面，就同男友特地去食！榴梿王店舖好细，只有一张枱堂食，好彩我哋早去，所以唔驶等！小店最出名嘅一定系呢个招牌榴梿白雪饼，类似大判烧，外皮用日本米浆制成，馅料系满满嘅榴梿蓉！个馅仲有D24（$25）同猫山皇（$35）拣，只差$10，我哋决定食好d，拣佐猫山王。白雪饼外表香脆，入面烟烟韧韧，食落榴梿味香浓，非常满足！不过可能因为入面有米浆，所以一啖咬落去嘅时候就略为沟淡佐个味，但整体都系正！我哋仲点埋猫山皇榴梿卷（$58/2条），我觉得比白雪饼仲好食！薄薄嘅班戟皮包住香滑嘅榴梿蓉，每啖都超浓榴梿香，口感好丰富！呢个食完真系唔够喉，好想再食！