Wingman (已結業)

鐘意食雞翼真係要去呢度。呢度主打雞翼放題，雞翼的味道亦十分多，仲有分乾身，濕身同特製三種。門口有個雞頭車廂位比你打咭，裡面裝修有玩味感。我食唔到咁多所以揀套餐，揀左四款口味(巴馬臣芝士蒜蓉，黑芝麻海鮮蜂蜜，日本蜂蜜芥辣同紫菜味)，同兩個小食。雞翼用法國無激素走地雞，大小平均，出品幾香口，而且配番各自的味道絕對唔會食到悶。而家仲有期間限定紫菜系列(紫菜雞翼，紫菜爆谷雞，紫菜薯條)。估唔到紫菜雞翼原來都咁惹味。薯條熱辣辣，加埋紫菜粉冇得輸。怕熱氣仲可以食吓牛油果平衡一下。