波仔

营业中

休息中

平时收工已经好晏，唔想煮饭通常都去买外卖，今晚约左朋友系观塘食饭，经过地铁站𠮶阵见到呢一间波仔，我就决定买几盒返去放喺雪柜，肚饿嘅时候就可以叮黎食，非常方便。白汁烟肉芝士意粉白汁质地浓郁creamy，烟肉芝士香浓惹味，意粉煮到软硬适中，意粉吸收哂酱汁味道。咖喱牛腩饭咖喱非常浓郁，香辣惹味，牛腩肉质软林，牛筋烟烟韧韧，白饭份量都多，一个人食哂好饱。黑椒鸡髀鸡脾嫩滑多汁，吸收哂黑椒味道辣辣地，宵夜一流。店员话出左新野，系瑞士卷，我就买左杨枝甘露瑞士卷同椰香拿铁瑞士卷，解冻就食得，瑞士卷口感松软可口，中间嘅忌廉非常幼滑。