影片
更多
2009-08-24
38 浏览
同毒品一样, 可一。不可再之前食过CWB 𠮶间, 已经觉得佢得只碟大, 无料到; 事隔多年, 再去试多次, 今次转去北京道一号𠮶间, 谂住, 转个地头, 可以有新番新天地, 结果比上次更谷气。 一行7人被安排除鞋坐房仔, 不过问题系, 无WAITER! 结果我地要爬个身出去挥手, 都无人应。 全晚WAITER 只得一个女仔, 佢要一个人应付全条行, 共6间房, 每间房坐6-8人, 结果成晚连茶都无滴。 几经辛苦终于揾到第二个WAITER, 点知原来佢只识日文, 英文识都唔识多只; 而且最无礼貌系, 我地叫佢埋嚟, 佢竟然拎头兼叹气。 哇~~ 你唔系咁呀麻?? 你点做WAITER架? 就算你系经理, 都无理由唔满意个客唔识同你讲日文, 而畀个咁嘅态度呀? 算喇, 唔讲服务, 讲食物。虽然只碟终于都细番D, 但系D食物一样咁细份, 而且唔太新鲜。 最深印象系个「超特级刺身」, 你写得个「超」字, 我真系当你好「超特级」啦, 点知嚟到之后, 一咬落只虾度, 一阵腥味涌埋嚟; 其他刺身就毫无特别, 而且样样只得2-3件, 但系个价钱就真系「超特级」喇, 加埋一差不多成$500。哇....呢
之前食过CWB 𠮶间, 已经觉得佢得只碟大, 无料到; 事隔多年, 再去试多次, 今次转去北京道一号𠮶间, 谂住, 转个地头, 可以有新番新天地, 结果比上次更谷气。
一行7人被安排除鞋坐房仔, 不过问题系, 无WAITER! 结果我地要爬个身出去挥手, 都无人应。
全晚WAITER 只得一个女仔, 佢要一个人应付全条行, 共6间房, 每间房坐6-8人, 结果成晚连茶都无滴。
几经辛苦终于揾到第二个WAITER, 点知原来佢只识日文, 英文识都唔识多只; 而且最无礼貌系, 我地叫佢埋嚟, 佢竟然拎头兼叹气。 哇~~ 你唔系咁呀麻?? 你点做WAITER架? 就算你系经理, 都无理由唔满意个客唔识同你讲日文, 而畀个咁嘅态度呀?
算喇, 唔讲服务, 讲食物。虽然只碟终于都细番D, 但系D食物一样咁细份, 而且唔太新鲜。
最深印象系个「超特级刺身」, 你写得个「超」字, 我真系当你好「超特级」啦, 点知嚟到之后, 一咬落只虾度, 一阵腥味涌埋嚟; 其他刺身就毫无特别, 而且样样只得2-3件, 但系个价钱就真系「超特级」喇, 加埋一差不多成$500。哇....呢碟嘢真系特级喇。
再来系个「海鲜什锦泡菜锅」, 我地系叫左十几样O野都发现无咩落肚, 先再后加嘅。结果亦不负所望, D 虾系死虾, 痴壳兼咬落口D肉系「梅」嘅。 哇....唔好咁过份啦....边有人卖海鲜唔生鲜架..
仲有就系𠮶个「特级什锦寿司--天上」, 个价就「天上」喇, 得14件就要接近$400; 同样嘅死症, D 虾好腥...唉...唔好咁啦..食餐饭啫... 我唔想D嘢咁难食呀..
其余嘅小食都无特别, 不过要数点都要数吓个「清酒煮砚」, 喺浓烈嘅酒味之下, 竟然会系一阵阵劲重嘅牛油香...要知道, 清酒沟牛油, 𠮶阵味....真系唔太开胃, 而且非常奇怪...我地都系局住要食哂佢.....
最后呢...只炸豪好硬.....好似....咬地雷...
一餐饭有1,2样难食好正常, 不过呢个价钱, 咁嘅服务, 咁嘅食物质数, 就未免太过份喇。
记住, 咪再卖腥虾喇, 可一。不可再。
张贴
