炑八韓烤 (已結業)

19/5/2016 今日放假想揾间餐厅食吓唔想又茶餐厅，由于家住荃湾又冇出街关系，去Openrice search吓附近有咩推介餐厅，因为好耐冇食韩烧(本身一般，太怕食完成身味)，即管相约三五知己一共四人去试试！一入去已经觉得少少中伏，地下痴立立又由又跣，枱面连上手食嘅食物都未清到😰，..唉～冇办法已经坐底咗！好～入正堤，讲吓食物，韩国餐厅一向会有几款前菜供应，呢度亦一样，有泡菜、芽菜、白萝卜及海带，当中泡菜非常不错，值得一试！其他就一般般，至于主菜，一共点了8样，酱油蟹～第一次食，由于冇得比较，所以觉得味道ok，口感都良好；牛肋骨及牛舌～由于韩烧食品本身冇加任何调味料，所以冇味道可言👎🏻；鱿鱼～同样冇任何味道👎🏻；原只鲍鱼及元贝～反而食到鲜味，味道尚可；芝士年糕～份量极少，只得几件年糕，味道普通冇特别！总括食品：前菜比主菜好好多😓而店员服务亦非常有问题，全店店员大多年轻人，叫佢地添加前菜，要叫几次，最离谱系烧元贝时可能元贝本身水份高，一接触到火就弹得好利害，我地问店员可以点烧，佢竟然反问呢4只系咩嚟，大家骨当唐O嘴😓竟然连原只元贝都唔知系乜！埋单4人一共$1300，绝对唔平！最后，一