新派韓食館 (已結業)

同一大班人一齐揾地方食晏，有人建议试呢间。入到去都好多位，但偏偏d职员要我地13个人好逼咁坐埋一齐。我同老婆食咗个好丰富的早餐，见到铁板芝士拉饭卷个插图好吸引，所以咪叫黎share. 职员话依味要等15分钟，我同佢都唔系话好饿所以冇太大问题。d嘢陆续嚟，见到朋友个卡邦尼粉丝年糕，d汁好稀d色好古怪。另一朋友个怀旧便当也有三片好古怪的红肠，开始感到中伏。我同老婆一等等超过半个钟，其他人已经食完攞牙签我地个饭卷都未见影！另一位友人的便当也失踪！于是问d职员，好明显漏单职员竟然走去厨房叫个芝士饭卷唔好焗咁耐，感觉更差！嚟到我地身边刚才还说要偷吃的人也完全冇兴趣，个卖相奇差，一睇就知难食！食落去d饭系＂散收收＂又淋身，芝士系一块一块溶果d黎，得个咸字好难食，条肠仔系d cheap嘢，完全唔掂！呢碟嘢竟然要＄59加一，即成＄65！我老婆话简直贴钱买难受！其他人也说呢间又贵又唔好食，入咗黑名单。