影片
更多
2018-04-03
177 浏览
本来见屋企附近开左间新野就试下，结果食到一肚气~~!!首先入座后没有给茶水，本来以为该店是有需要才给茶水，结果望附近几张台，台台都有给茶水，无给茶水就算了，叫人点餐时，落单职员过嚟企左台边后，正准备开口叫野时，个职员又唔知做咩，突然收返本单本粒声唔出就走开左，结果又要再叫过人落单，已经兴兴地。咁叫左火车头金边粉、金不换香辣牛肉炒粉及越南粉卷，重点嚟啦，火车头的汤淡到无味，未食过咁淡的火车头，这碗火车完全不符餐牌的标价(同等价钱食过好食过呢碗)，金不换香辣牛肉炒粉的味道仲可以，香辣牛肉炒粉的火喉都OK，但金不换就完全唔见，金不换那种独特的香味系呢碟炒粉系无的，连一片金不换的叶都唔见，对呢碟炒粉好失望，餐牌写住有金不换的..............................越南粉卷一夹就散晒，馅料就跌到成只碟都系，未食过呢个价位的越南粉卷有咁的情况，另外仲有三个未食的粉卷，咁就夹起面头块札肉，夹起后仲火滚，原来全部粉卷皮系中心位已经爆开左，食左第一个爆肚粉卷，味道就偏咸，好啦食晒粉卷后，同台友人话呢个粉卷好似少咁一个味，咁啱隔离台又有人叫呢个粉卷，见职员上菜后放底壶酸辣鱼露.....
首先入座后没有给茶水，
本来以为该店是有需要才给茶水，
结果望附近几张台，台台都有给茶水，
无给茶水就算了，
叫人点餐时，落单职员过嚟企左台边后，
正准备开口叫野时，个职员又唔知做咩，
突然收返本单本粒声唔出就走开左，
结果又要再叫过人落单，已经兴兴地。
咁叫左火车头金边粉、金不换香辣牛肉炒粉及越南粉卷，
重点嚟啦，火车头的汤淡到无味，未食过咁淡的火车头，
这碗火车完全不符餐牌的标价(同等价钱食过好食过呢碗)，
金不换香辣牛肉炒粉的味道仲可以，香辣牛肉炒粉的火喉都OK，
但金不换就完全唔见，金不换那种独特的香味系呢碟炒粉系无的，
连一片金不换的叶都唔见，对呢碟炒粉好失望，
餐牌写住有金不换的..............................
越南粉卷一夹就散晒，馅料就跌到成只碟都系，
未食过呢个价位的越南粉卷有咁的情况，
另外仲有三个未食的粉卷，咁就夹起面头块札肉，
夹起后仲火滚，原来全部粉卷皮系中心位已经爆开左，
食左第一个爆肚粉卷，味道就偏咸，
好啦食晒粉卷后，同台友人话呢个粉卷好似少咁一个味，
咁啱隔离台又有人叫呢个粉卷，
见职员上菜后放底壶酸辣鱼露..............................
咁唯有算啦都食完，起身买单行经其他台时，
发现每台都有放底一壶酸辣鱼露(酸辣鱼露好贵吗? 定系要睇台客叫几多𩠌先比啊?)..............................
总结：
先系唔比茶水，再系无味火车头，
接住系无金不换的金不换香辣牛肉炒粉，
最后系爆晒肚而又不给酸辣鱼露的越南粉卷，
最搞笑系落单职员系可以粒声唔出走左去(正常都会讲声话我揾其他同事帮你落单)，
家阵走show咩，行埋台边show 下店舖个件越南服饰，之后行返去后台??
我的最终评语系「可一不可再」，唔敢再系呢间餐厅食(总是感觉间餐厅有少少歧视我呢台，咩都比少我呢台，隔离台就咩都比齐，唔止隔离台系每一台都样样比齐)，真系食得好唔开心..............................
张贴