滿記冰室 (已結業)

咁啱行过满记冰室，肚仔又饿，眼见个餐牌嘅食物都吸引，于是就决定一试。步入餐厅，环境就同旧式茶记一样，座位唔算多，坐得比较逼，唔舒服！ 叫咗个常餐-沙嗲牛肉出前一丁配3.6牛乳滑蛋、火腿、牛油厚多士同奶茶。最先到系杯奶茶，睇个样好似唔错，但试咗啖就觉得好一般，茶味淡。经常饮奶茶嘅香港人唔难饮得出茶同奶嘅比例点先算系一杯好奶茶。经常到唔同地方食沙嗲牛肉面，喱度𠮶面认真一般，沙嗲味淡到令我怀疑系咪食紧沙嗲牛肉面，牛肉炆得够淋，份量算多但面身唔够弹牙。炒滑蛋炒到熟咗一啲，蛋太干身。牛油多士轻轻烘过，但面唔够脆，放块火腿上去一齐食，味道都可以。总结，服务质素一般，食物质素一般，餐厅卫生一般，光顾之前真系要认真考虑一下！