影片
更多
2023-02-03
1256 浏览
我专登捕住采悦轩订座优惠，好好彩book到闲日夜晚7点3。咁可以系东涌mtr 出面搭shuttle bus到酒店但班次都比较疏，要注意时间。 一到去酒店都有少少难揾采轩悦，不过唔紧要睇到好多食评系有赞无弹，这就是中伏既开始🙏🏻一去到， 有个待应（中年姨姨）就好大声咁问我饮咩茶？ 我真系呆左.. 我连餐牌都未睇就饮咩茶？ 发生左咩事？ 我就话我要睇完餐单先知想饮咩茶！ 第一下个印象都劲差，好似去左酒楼咁。 咁好啦，之后就叫左龙井同另一款， 我都唔知道左叫咩名（咁唔同茶就有唔同价钱，可以根据返自己喜好去叫，茶既价钱系正常酒店食中菜价位）。之后，我就开始叫𩠌！横掂有6折谂住叫尽d啦！叫左是日例汤（虫草花炖鸡）同有推荐既天白花菇菜胆竹笙汤，好多人赞既叉烧，出名既花雕蛋白蒸水晶虾同埋呢个餐厅特色特式白舞茸西班牙黑毛猪卷（本身叫左中式牛尾煲，但话卖晒） ！ 我满心期待呢餐 点知真系比返钱我都唔会再去食一开始黎左叉烧先.. 咁我都呆一呆乜唔系黎左汤先咩？ 咁我都觉得无咩所谓，食左叉烧先点知又干又难咬…劲失望 又无肉汁😅 跟住食到中途又黎左汤， 咁趁热饮啖汤先，2碗都系普通到不得了！ 例汤饮唔到鸡味，
我专登捕住采悦轩订座优惠，好好彩book到闲日夜晚7点3。咁可以系东涌mtr 出面搭shuttle bus到酒店但班次都比较疏，要注意时间。
一到去酒店都有少少难揾采轩悦，不过唔紧要睇到好多食评系有赞无弹，这就是中伏既开始🙏🏻
一去到， 有个待应（中年姨姨）就好大声咁问我饮咩茶？ 我真系呆左.. 我连餐牌都未睇就饮咩茶？ 发生左咩事？ 我就话我要睇完餐单先知想饮咩茶！ 第一下个印象都劲差，好似去左酒楼咁。
咁好啦，之后就叫左龙井同另一款， 我都唔知道左叫咩名（咁唔同茶就有唔同价钱，可以根据返自己喜好去叫，茶既价钱系正常酒店食中菜价位）。
之后，我就开始叫𩠌！横掂有6折谂住叫尽d啦！叫左是日例汤（虫草花炖鸡）同有推荐既天白花菇菜胆竹笙汤，好多人赞既叉烧，出名既花雕蛋白蒸水晶虾同埋呢个餐厅特色特式白舞茸西班牙黑毛猪卷（本身叫左中式牛尾煲，但话卖晒） ！ 我满心期待呢餐 点知真系比返钱我都唔会再去食
一开始黎左叉烧先.. 咁我都呆一呆乜唔系黎左汤先咩？ 咁我都觉得无咩所谓，食左叉烧先点知又干又难咬…劲失望 又无肉汁😅 跟住食到中途又黎左汤， 咁趁热饮啖汤先，2碗都系普通到不得了！ 例汤饮唔到鸡味， 花菇菜胆竹笙似洗菜水咁，完全唔合格， 出去买碗例汤都仲好饮又唔洗咁贵😅
正当饮到一半又黎左个花雕蛋白蒸水晶虾，谂住呢d手功菜，要趁热食。所以汤同叉烧又放埋左一边。 花雕蛋白蒸水晶虾价钱唔平，点知垃圾到爆.. 系纯粹暖，暖到好似有d冻咁，个蛋白系滑，个虾系好食，花雕好似有几滴啰，但完全feel唔到呢系mix埋同一碟𩠌到，好似食紧3样野咁。 唉 仲有块干火腿？又系另一件事黎， 叫呢道𩠌好似食紧4个𩠌咁，完全唔夹呀！
之后又黎左个白舞茸西班牙黑毛猪卷，当时系劲chur, 餐厅唔够待应，佢地一有𩠌就拿拿林放到你张格，完全唔谂先后次序（可能我expect 太多）
呢个白舞茸西班牙黑毛猪卷咸到癫，我食左一旧就停左手，真系咸到惊要洗肾，完全无特别。可能呢餐饭唔属于我个胃，完全无想野岩食，埋单接受1100，心都痛，完全唔知食左咩落肚，本身仲想试佢个炒饭但咁既质量唔需要浪费自己个胃了！
无下次🙏🏻
花菇菜胆竹笙汤
11 浏览
0 赞好
0 留言
9 浏览
0 赞好
0 留言
7 浏览
0 赞好
0 留言
19 浏览
0 赞好
0 留言
张贴
