名館 (希慎廣場) (已結業)

名馆曾经系我最喜欢嘅食肆之一，今日再去，应该系最后一次….坐底无耐，侍应哥哥就比咗餐牌我哋，话除咗套餐外，都系用手机点餐… 再望吓个餐牌，点解会有串烧同烤鱼嘅，仲要系$388任食🤔🤔🤔都知伏伏地。经过侍应姐姐落力推介，我哋叫咗个套餐，$168位。有六个点心，两个小食同一个炒粉面。个鲍鱼鸡粒炒饭一食落去，咁甜嘅😌，MSG 呢。但MSG 都掩盖唔到鸡粒嘅雪味。 粒鲍鱼仲细粒过d 鸡粒，其实大小唔系问题，好食就得，但粒鲍鱼仔超韧😅。蒜蓉蒸排骨同牛肉够都系一阵雪味。箩卜糕应该稳阵啦啩，但竟然有d 腥味，应该系d 虾米，大量胡椒粉都帮唔到件事。叫咗九样嘢，除咗炒饭，肴肉同肠粉系接受到嘅，其它都😓。如果佢哋老板觉得咁嘅水准系过到骨嘅，只怪我太年青，无知嘞。PS 仲有个免费甜品，唔知乜嚟😆应该系芦荟加d toffee sauce。