NAK Kafe

营业中

休息中

环境唔错，食物非常一般，服务差。cafe喺大澳桥入口右手边，店面唔大，环境唔错，几骨子，邻近圣诞，门口有靓靓圣诞树装饰。星期日唔算多人，一来就可以入座。一开始坐嘅位置同隔离枱距离较近，我地将枱搬开少少，老板话隔离系厕所，要留返条路俾人去厕所，我地搬返张枱。跟住见到隔离枱有人走，我地转枱，老板都好快帮我地抹枱，不过语气比较串，可能见我地搬来搬去，有啲唔耐烦。我地嗌咗虾饼同all day breakfast，虾饼厚肉，但几多油，all day breakfast 面包烘得好脆，牛油味都好香，但系蘑菇略咸同㶶。总括而言，试一次就够晒数，如果为咗个景可以一试，如果为食物同服务就不必啦，同样价钱，去扫街仲好，大澳小食档嘅老板更加有人情味。