三小漁

营业中

休息中

环境嘈咗少少（其实好多餐厅都好嘈，所以呢个冇得唔接受）都清洁整齐，啲杯杯碟碟都干净侍应都好有礼貌，我哋入咗单过一阵，想取消一味𩠌，转食佢嘅冰镇菠萝咕噜肉，侍应就即刻帮我哋去厨房取消单，出嚟就帮我哋转单，好有热诚，有礼！ 中间发生咗小插曲，有人唔小心打烂咗嘢，玻璃喺我哋张枱附近，佢即刻自动波帮我哋换一碟新𩠌（冰镇菠萝咕噜肉）. 虽然合情合理，不过有啲餐厅可能就得过且过，唔会帮你换！ 上菜速度，时间合理！食物，都几特别，味道可以，好吃，可以再光顾！ 黑磗豆腐，应该系必食，记得意，脆卜卜！椒盐鱿鱼，中间配咗个酱汁，酸酸咸咸，唔错！黑松露蛋白炒饭，啲饭炒得好均匀，好干爽！冰镇菠萝咕噜肉，展示得好特别，好靓，打卡必用！ 不过就咕噜肉仲系热嘅， 放系冰上， 完！ 我试过喺其他地方食，咕噜肉即场揾冰水浸，即场捞起身，咁食就外冷内热，呢一点佢哋就未做到！ 但系佢哋味道都唔错！啫啫通菜，金银蛋浸苋菜，冇乜特别，合格 。猪油渣椰菜粉丝煲，真系炒得干身，我觉得份量细咗啲，如果大煲啲就好啦！ 熄咗八样嘢食，六个人，每人平均$190左右，真系唔贵！