FRITES Belgium on Tap (曦巒) (已搬遷) 新店位置

虽然成日去铜锣湾食饭，但如果唔系朋友介绍都无发现呢间餐厅！一入到去不自觉wow左声，楼底好高装潢好靓，周围放满主打既比利时啤酒，十分有格调。 Salmon Tartare ($155)Tartare一向系我starter中既常客，新鲜既三文鱼配上青瓜粒、小黄瓜粒、香等等，加上适量既青柠汁，味道好清新好合胃口，唔错！ Laksa Mussel Pots ($235)本身谂住试原味既，但waiter话laksa特别d，就试下佢喇！一送上台就有强烈既香味涌入鼻，青口十分肥味，都有十七十八只，两个人食份量刚好。喇沙汤底同青口出奇地夹，既香甜又带少许惹味，配上超香脆既面包同薯条，真系令人食到停唔到口。 Steak and frites ($385)最后上台既系14oz既安格斯肉眼扒，Medium-rare煮得刚好，肉汁保留得到而且十分易咀嚼。再搽上香浓既牛油，本身食完个青口都开始饱但都忍唔住一旧接一旧。不过配菜又系薯条，妈呀减肥又失败喇，因为香脆既薯条系面前根本忍唔住唔食呀！Frites环境舒适而且有气氛，食物性价比又高，下次会再带朋友黎试其他野！