影片
更多
2021-04-20
505 浏览
为食情侣又出动🤗，踩单车去到大围揾食，谂住试吓呢间良心居酒屋🏮！店舖比较细，只有2张卡位同吧台，Walk in排队一个钟8点入座，安排坐系吧台位，睇睇餐牌发现唔系行价钱相宜路线，自然对食物有期待啦！食物有好有坏，但服务就欠奉，茶水同酱油碟都要自己问店员拎，咁都预咗自己refill，点知连热水壶同豉油樽都系空嘅，之后又拎走埋我哋台嘅热水壶...🥲明明见到店员有时间坐系旁边用手机，有时店面又无店员（好似行咗去隔离单位，唔知系咪另一个店位），有求助无援嘅感觉。而且店员对餐单份量同当日供应都唔太熟悉，上菜系两个人中间/靠墙位置上，如果系侧边上菜会安全啲，差啲以为唔收加一服务费...今次用餐体验真系唔太良好🥺⋯虽然取态值得支持，但食物同服务都应该要成正比————————————————👅风流蟹皇丼（$128）👍🏻全晚MVP，唯一会想再食嘅餐点😬~蟹膏份量对得住价钱，入口系沙沙地嘅质感，因为全部都系蟹膏，食到最后都几腻，两个人share试吓都okay!!上面插住半只肉蟹几霸气🦀，蟹肉都几多又有蟹肉清甜味，因为冇拆蟹工具同手套提供，要麻烦店员拎入厨房帮手拆散蟹钳👅角切海鲜饭（$98）👎🏻份量比预计中
食物有好有坏，但服务就欠奉，茶水同酱油碟都要自己问店员拎，咁都预咗自己refill，点知连热水壶同豉油樽都系空嘅，之后又拎走埋我哋台嘅热水壶...🥲明明见到店员有时间坐系旁边用手机，有时店面又无店员（好似行咗去隔离单位，唔知系咪另一个店位），有求助无援嘅感觉。而且店员对餐单份量同当日供应都唔太熟悉，上菜系两个人中间/靠墙位置上，如果系侧边上菜会安全啲，差啲以为唔收加一服务费...
今次用餐体验真系唔太良好🥺⋯虽然取态值得支持，但食物同服务都应该要成正比
————————————————
👅风流蟹皇丼（$128）
👍🏻全晚MVP，唯一会想再食嘅餐点😬~蟹膏份量对得住价钱，入口系沙沙地嘅质感，因为全部都系蟹膏，食到最后都几腻，两个人share试吓都okay!!上面插住半只肉蟹几霸气🦀，蟹肉都几多又有蟹肉清甜味，因为冇拆蟹工具同手套提供，要麻烦店员拎入厨房帮手拆散蟹钳
👅角切海鲜饭（$98）
👎🏻份量比预计中细，碗系一只女仔手大小，都唔紧要啦，点知海胆食到苦味😂，连净系识分好食同唔好食嘅男朋友都觉得唔掂，玉子青瓜份量同刺身一比一，好彩其他刺身味道正常
👅明太子玉子烧（$48）
🔸甜口玉子烧OK嘅，属于偏干身有口感𠮶种，可能系肚饿食嘅嘢特别好味啦🤓明太子味唔算好出，睇得出明太子粒粒都比较少，所以味道主要系沙律酱味
👅活烧日本宫崎生蚝（$68）
🔸一份有两只，蚝肉烧得偏干身🦪好肉蚝豉咗浓缩咗蚝味，味道唔算有惊喜，但就明显一只大一只细
————————————————
🚩总结：可一⋯不可再吧？😶
————————————————
🌟注意：全自费真实食评
————————————————
📍 风流居酒屋
地址：大围大围村第3街32号地舖
.
🗺地区：#bem大围
📥分类：#bem日本菜 #bem黄店日常
💰人均消费：#bem_101至200蚊
张贴
