影片
更多
2023-01-20
187 浏览
平时都知道入得迪士尼食嘢就一定会贵啲架啦，原本都唔太期待会食到好嘢，但最基本可以放入口都做唔到，真系唔知讲咩好因为早入园玩，所以玩到下昼已经有啲肚饿，咁自自然然就要揾嘢食，咁啱谂起大街餐厅新出左一个LinaBell 下午茶，咁见佢价钱又唔系好贵，咁就谂住试吓啦，咁大嘅3点去排；排之前都已经问定仲有LinaBell 下午茶，因为听闻有唔少人迟咗去排，然后发现已经卖晒。佢话有，咁就同朋友大概排咗45分钟左右就可以入去，咁系排队嘅时候，职员已经问定我哋系唔系食LinaBell 下午茶嘅下午茶，但系入到去要再order多一次。（咁可能系因为方便统计，但系职员又话帮我哋落咗先，系有少少混乱嘅）咁安排左我哋喺一个角落头位置，咁原本迪士尼嘅餐厅座位都系逼夹啲，咁样坐喺角落叫做舒服少少，咁朋友惊话得一份下午茶唔够食，所以我哋另外加配多咗一个甜品Duffy 乐悠悠$98其实除咗多咗两块有Duffy同ShellieMay嘅饼干之外，就三球普普通通雪糕嘅雪糕杯，分别系朱古力、士多啤梨同焦糖炖蛋味，冇咩特别好唔好食，不过可以嘅话，希望佢啲大球少少，我同朋友唔洗一阵就已经食晒。同埋佢底下配咗少少士多啤梨粒、蓝莓
因为早入园玩，所以玩到下昼已经有啲肚饿，咁自自然然就要揾嘢食，咁啱谂起大街餐厅新出左一个LinaBell 下午茶，咁见佢价钱又唔系好贵，咁就谂住试吓啦，咁大嘅3点去排；排之前都已经问定仲有LinaBell 下午茶，因为听闻有唔少人迟咗去排，然后发现已经卖晒。佢话有，咁就同朋友大概排咗45分钟左右就可以入去，咁系排队嘅时候，职员已经问定我哋系唔系食LinaBell 下午茶嘅下午茶，但系入到去要再order多一次。（咁可能系因为方便统计，但系职员又话帮我哋落咗先，系有少少混乱嘅）
咁安排左我哋喺一个角落头位置，咁原本迪士尼嘅餐厅座位都系逼夹啲，咁样坐喺角落叫做舒服少少，咁朋友惊话得一份下午茶唔够食，所以我哋另外加配多咗一个甜品
Duffy 乐悠悠$98
其实除咗多咗两块有Duffy同ShellieMay嘅饼干之外，就三球普普通通雪糕嘅雪糕杯，分别系朱古力、士多啤梨同焦糖炖蛋味，冇咩特别好唔好食，不过可以嘅话，希望佢啲大球少少，我同朋友唔洗一阵就已经食晒。同埋佢底下配咗少少士多啤梨粒、蓝莓、椰果同凉粉！冇错，你冇睇错呀，真系凉粉啊，唔知设计餐单嘅师傅系咪好钟意食中式糖水定点，佢系一个咁西式嘅甜品中加入凉粉。虽然平时喺糖水舖都有见雪糕底下有凉粉，但系一般都系用云呢拿雪糕，凉粉只味认真同呢三款雪糕只味好唔夹，搞到成件事好奇怪；除此之外，𠮶两块饼干就系好实身嘅牛油曲奇，味道不过不失，但系除咗颜色有分别之外，其实实质上味道一模一样。
感觉上出去大街买雪糕会更加值，因为𠮶个雪糕打卡更加靓。
咁讲返𠮶下午茶先，佢包咗两杯野饮，咁我同朋友都一样拣咗LinaBell蜜桃士多啤梨乳酪特饮，饮落去完全唔会饮到蜜桃味同乳酪味，净系饮到士多啤梨味，几好饮，有少少似沙冰嘅质感，不过除咗表面多n咗个LinaBell样之外，冇咩特别，而且因为杯身嘅关系，饮到一半LinaBell𠮶样唔见咗
食物看似有很多种咁，但系有好多都唔太好食或者根本就唔可以放入口。同朋友觉得唔错嘅真系得三四样，好似烟三文鱼配黑松露炒蛋多士、鲍鱼酥盒同红桑子曲奇这些
好似依个荔枝绿茶棒咁，样系唔错，但除咗表面嘅朱古力之外，佢入面个馅劲难食，我试完一啖就放弃咗
又或者依个迷你朱古力冬甩，佢除咗表面嘅朱古力系甜之外，佢入面个冬甩都系咸架，一啖咬落去真系唔知自己食紧咩
士多啤梨千层酥同热情果夹心朱古力
如果唔系餐牌一开始有写明热情果夹心朱古力，我完全食唔到朱古力入面系热情果，净系食到朱古力味同少少酸味
𠮶士多啤梨千层酥，啲酥皮系整得唔错，但奈何个士多啤梨酱味道超假，破坏左𠮶酥皮
仲有个龙虾牛油果沙律篮（冇单影到相，就系下午茶中整到好似成粒烧卖咁）初头食嘅时候冇咩野，但系食完之后佢𠮶阵腥味涌出嚟，即刻饮咗半杯水都搞唔掂，都唔知系咪已经变坏咗
其他就费事再讲，但真心收得依个价钱，就算明知客人系为咗打卡先叫，但感觉上可以再用心啲🫠🫠🫠不过，真系可一不可再
张贴
