L'Eclair de Genie (已結業)

平时成日经过其他分店都无试过，今次睇完戏想揾个甜品食下，一于就试下呢个闪电泡芙有几巴闭。去到个柜见到得五六款味道，最后拣左Lemon Yuzu同Pistache Orange。柠檬同柚子一向都系绝佳拍档，配埋一齐清新得黎唔会过于甜腻，亦因为咁所以无太大惊喜。反而开心果加橙味呢个配搭就有D新奇，平时食开心果雪糕食多两啖就唔想食，因为太heavy。呢条野(实在谂唔到个更好既量词)中间个cream用橙味黎中和番，味道出奇地夹。从味道上黎讲绝对系无可挑剔，但系口感---系腍既，一啲酥脆既感觉都无。唔知系佢摆耐左定系传统系咁，但呢个系佢最大既败笔。因为本身都无乜期望，所以都未算失望。以四五十蚊一条既价钱黎讲，我觉得日式泡芙比佢更加好食+抵食。