天園餃子

营业中

休息中

就快打风，打风期间应该无乜嘢好食，所以野猪趁打风前想满足下个胃仔先，四围游下魂游到去土瓜湾， 撞啱见到有间天园饺子，依间天园饺子其实之前系旺角通菜街都有间，系正甜记对面，个时都心大心细想试试，但马骝太太钟情食甜记😂后来天园旺角店仲结埋业添😅😅😅(可能唔够甜记揪….挂😅)睇门面明显比起旺角店细，同埋比较旧。睇Menu见到有蕃茄鸡蛋素肉饺，适合半素人士，但食全素嘅人就唔啱了🤫不过依间有得拣酸辣汤面，配落都几开胃，而且上海面份量都算多。同马骝太太叫咗白胡椒杂菌猪肉饺、蕃茄蛋素饺、韭菜猪肉饺配酸辣汤。个素饺比想像中好，只系啲饺子略微唔够饱满🤔不过以价钱嚟讲都算唔错。虽然呢间铺仔细细，但眼见都唔少人嚟食，而且外卖单都好多，所以落完order都要等少少时间。