三ステーキ

营业中

休息中

星期日下午3点几去食，人唔算好多，排左大约20分钟，我叫左个三拍子牛$75，老公叫左个牛柳300g $115，再叫多罐雪碧$15。排队排到门口入钱落佢部自助售卖机都买飞，之后等店员安排入座，入座时佢会比部bibi 机你，到bibi机响就可以去台前拎牛扒喇。在拎牛扒前有空档就去自助沙律bar拎沙律、沙律酱、白饭、汤、水、冰、纸围裙、餐具。枱上有些酱油、蒜等可以比你阵间食牛扒点的。牛扒是热石上的，有张纸巾铺面以免油弹出，牛本身是1成熟，用热石的热力将佢整熟。店铺冇想像中咁细，都座到廿几三十人，座位的细的，如果去食就唔好带大背囊，因为冇位你摆，地方干净既，系有日式自助小店feel的。三拍子牛其实冇乜味，牛柳牛味会好少少，建议落蒜及酱油调味，成个过程几得意既，唔会话排半个食15分钟既感觉，店面只得一个人，唔知系因为唔够人手或是整唔切牛扒定还是想营造个排队既效果，就算入面有好多位佢都会要你等先比你入去；顺带一提如果你想2个人share1份牛，你是需要额外买多一份沙律，因为沙律是任食的。