影片
更多
2022-06-02
75 浏览
今次又跟朋友去荃湾揾食啦，到底有咩荃湾西美食推荐？发觉最近揾食地图都系同荃湾甜品有关，今次去到近荃湾西铁站嘅海之恋商场食肆「茶寮京都仁王门」，试咗一份主食、一份小食和一份甜品！而堂食满＄300已享有9折。黑松露沾酱薯条 HKD 42头盘先嚟薯条，搬盘唔错，薯条睇落够脆，炸得金黄，而黑松露就另外以细盘装住。薯条无雪味，口感香脆可口，系会食唔停！！不过个酱唔够香，有啲淡，如果有啲黑松露碎就正。特级吉列猪排 HKD 118（凡惠顾任何扬物、烧物或人气料理〔除特盛鳗重〕，均可以＄28加配季节前菜x2、饭团／稻庭乌冬、面豉汤、时令水果及冷日本茶）面豉汤、时令水果及冷日本茶可免费添加1次！呢个餐拣咗配乌冬，个汤几浓味，少咸，唔会煮得太软，乌冬都吸收到汤嘅味道，唔错。前菜、水果正正常常，日本茶茶味清新，忍唔住再添饮一杯，几解渴。猪排份量都唔少，无多余油份，炸得干身，不过猪排口感少少干，肉汁一般；比较少出现炸粉同猪排分开嘅情况，就算咬开都唔会散哂！不过猪排味唔差，可以一战！朱古力班戟 HKD 108今次饭局最期待嘅甜品，本身想叫 Tiramisu，但系𠴱阵无得嗌Sad。不过呢个班戟一啲都无令人失望，大
黑松露沾酱薯条 HKD 42
头盘先嚟薯条，搬盘唔错，薯条睇落够脆，炸得金黄，而黑松露就另外以细盘装住。
薯条无雪味，口感香脆可口，系会食唔停！！
不过个酱唔够香，有啲淡，如果有啲黑松露碎就正。
特级吉列猪排 HKD 118
（凡惠顾任何扬物、烧物或人气料理〔除特盛鳗重〕，均可以＄28加配季节前菜x2、饭团／稻庭乌冬、面豉汤、时令水果及冷日本茶）面豉汤、时令水果及冷日本茶可免费添加1次！
呢个餐拣咗配乌冬，个汤几浓味，少咸，唔会煮得太软，乌冬都吸收到汤嘅味道，唔错。
前菜、水果正正常常，日本茶茶味清新，忍唔住再添饮一杯，几解渴。
猪排份量都唔少，无多余油份，炸得干身，不过猪排口感少少干，肉汁一般；
比较少出现炸粉同猪排分开嘅情况，就算咬开都唔会散哂！
不过猪排味唔差，可以一战！
朱古力班戟 HKD 108
今次饭局最期待嘅甜品，本身想叫 Tiramisu，但系𠴱阵无得嗌Sad。
不过呢个班戟一啲都无令人失望，大大份，有唔同材料，包括朱古力碎、朱古力脆片、香蕉、朱古力雪糕同脆片等，而班戟上面仲有一层朱古力粉，食𠴱阵真心唔好讲嘢，差啲浊亲！
班戟松软又够香，而且仲有微湿质地，加埋唔同质感朱古力配合，令口感更加特别；
食完呢个甜品令成餐有完满句号，正！
～～
茶寮京都仁王门
荃湾大河道100号海之恋商场地下G22-G23号舖
张贴
