一生懸麵

营业中

休息中

呢间拉面🍜店算系排队长龙店，成日都见到好多人，特别系假期。店内细细，不过坐得都ok嘅。叫咗3样嘢，总括而言，几抵食但味道唔系特别好，唔系要特登嚟食果种😂。睇在咁抵食都可以一战🍜算几推介海老沾面（$85）🍜，算几推介呢款，主要因为佢个汤加咗好多樱花虾🦐🦐🦐，好香浓好有鲜味，差唔多食每啖都有虾，好足料。面条拣咗较硬，几有弹性同挂到汤汁。但叉烧同溏心蛋🥚一般般，叉烧有啲干。朋友叫咗雪糕拉面（$98）🍦，试咗少少。净系咁食个雪糕都几好味，浓浓花生味🥜🥜🥜唔错唔错。本身嘅汤底叫咗少辣，辣辣哋，雪糕溶咗之后，个汤汁净系得返甜甜嘅花生味。面条沟花生味嘅汤汁都ok，不过唔算特别好味，朋友仲话食多几啖已经有啲济。仲有唐扬炸鸡（$32）🍗，份量好多，完全超出预期，好抵食。新鲜热辣，外皮香脆，入面嘅鸡肉好嫩滑多汁，正👍🏻💁🏻‍♀️服务唔错，唔系话特别有礼，但唔知点解感觉好亲切。🌟如果经过见到呢间拉面舖又唔系好多人排队，都可以一试。。我都想再试吓其它汤底。