前座飯堂

营业中

休息中

上个星期去开大坑，打开Openrice见到前座装修好特别，食物吸引，于是去试下。首先间嘢打卡好靓，坐入铺头入边好有气氛。不过见大多系2人台，而小铺地方不大。星期六下午1：15坐低，唔使等位。但同想象中唔同嘅地方：⚠️见到Openrice有餐牌，但当日去到系QR扫 Code落单。以致本身睇好食个款以为$45，落单原来$88唔知系咪印错还是星期六日唔同价…⚠️叫左个拌面，落单至少半个钟先有嘢食。虽然人手得一位靓女，都理解上餐速度慢啲。但饿饿哋想坐低食嘢，真系有点燥。即系叫人饿就唔好食呢间咁解🤣正题👉🏻今次叫左：凉拌酸辣或麻辣米线/红薯粉 $88-薯粉-麻辣-唔记得系咪叫左BB辣加猪大肠 $ 20 味道：十分好味。少少辣又够麻，钟意食麻辣嘅朋友必试！辣辣地又有配料青瓜丝、木耳、娃娃菜。不过娃娃菜可以淋少少。(ps：唔知应该饿得济觉得食咩好好味) 加左猪大肠，冇骚味几好食，不过偏咸。另外薯粉都好入味，煮得啱啱好。配料仲有咸酸菜。份量：薯粉本身好大份够饱肚，加埋仲有青瓜丝木耳娃娃菜。真系好足够。$20加左份猪大肠都有5大旧(或以上)价钱：自己觉得一个薯粉$108蚊偏贵，好在味道同份量都可以搭救返。