前座飯堂

营业中

休息中

勁耐冇黎大坑朋友BOOKMARK左呢間餐廳想一齊試咁就緊係奉陪啦😆餐廳走懐舊香港風, 有disco 燈 ,電影海報, 連餐廳門口既鐵閘都好有年代感✨特色手撕雞湯米線 $110米線可以揀幾麻同幾辣唔太食得辣既小星星揀左唔麻唔辣手撕雞份量足料, 雞肉超級嫩滑米線好出色, 爽滑煙靱湯底酸酸MAYMAY好開胃同手撕雞好夾成個感覺好夏天叫拌麵可能會再夾d星星推薦度：⭐️⭐️⭐️⭐️/5🍀朋友叫左米線加薯粉都唔錯, 薯粉煙靭, 同米線一齊食雙重口感😋📍前座飯堂大坑新村街39號地舖

Bookmark左好耐既米線 ，價錢係貴但比想像更出色既湯底，原本大杭都多餐廳選擇次次黎都食其他野食到飽左食唔到正餐，今次終於試到泰式手撕雞米線 $88酸味濃郁同手撕雞好夾食落好香，加埋檸檬好清新果然係招牌米線！麻辣牛肉麵 $105牛展 3大舊 麻辣味一樣好香濃惹味比坊間食開啲麻辣小小唔同！泡椒鴨舌 $58份量似前菜多過似小食，味道真係唔錯👍🏻泡椒味十足，建議真係好鍾意食泡椒同鴨舌先叫！花枝蝦餅 $48味道唔錯 正常發揮

今次同朋友黎大坑一試呢間手撕雞米線，睇完MM條片覺得間店好有style，雖然價錢頗貴，平時食開$4x-5x一碗米線，不過黎到大坑決定一於try try佢。店內裝潢好有懷舊特色，有80年代電影海報，天花有disco 燈，仲播住經典舊歌，感覺到店主係一個本土vintage 迷，係呢個環境底下食麵都特別有feel D。手撕雞米線好足料，湯底好濃，手撕雞好嫩滑，值得一試。

🌻大坑特色小店 Fusion川菜 幾特別 值得一試！🌟餐廳內外設計都睇到花左唔少心思 好似有種香港80年代disco既感覺🕺🏻我個日係打8號風球前夕去🌪️🌬️可能好多人外賣🥡 我哋等左大概半個鐘到九個字先至上菜🥲 我就唔肯定平時既情況 可能純碎個別例子餐廳係位於大坑比較多外國人 夜晚會有唔少人會過了飲啤酒/cocktail 好chill🌌特色手絲雞撈麵🇹🇭($110) 呢個超級特別配合左中式米線同埋來自泰國既魚露醬汁🫧首先 米線超級彈牙 過左冷河❄️個手絲雞就咁食都已好好食 肥瘦適中 幾滑仲有埋青瓜絲🥒好長同幼 可以同啲米線完全撈埋一齊魚露🫙+青檸🍋+炸蒜乾蔥🧄🫚同埋花生🥜 所有野夾埋幾fresh 口感豐富！特色牛肉湯麵🐮($110)呢個就比較似台式牛肉麵 無上面個個咁驚艷😽但都依然好食！牛肉係用左牛展 牛展同埋側邊少少牛根都煮得超級淋 好多骨膠原😬🫶🏻 而且牛味好出 湯底好香 偏重紅燒味 但係唔辣（可以叫走麻同埋走辣的）講到薯粉 超級q彈 好似咬幾淡都唔斷咁！但唔覺意有已經食左 好特別 脆卜卜的芽菜同埋酸菜點綴左成個麵😍我額外加左花枝丸🍢 裡面有粒粒真墨魚 好重魚味 超級彈牙 完全唔粉👍🏻

This is a cozy retro restaurant. It is an open kitchen concept where we could see them preparing our noodles. We ordered the green curry mixed noodles with shredded chicken, Dan Dan soup noodles with squid balls and fried shrimp rolls. I liked how we could customised the spiciness and numbness of the noodles. The green curry noodles was my favourite of the three. The Dan Dan noodles was peanuty. All the noodles came with some cucumbers which added freshness and crunchiness. The fried shrimp rol

❣️前座飯堂♥位於大坑的小店，門口裝飾別具風格，店內的海報與霓虹燈充滿著懷舊色彩♥泰式涼拌手撕雞米線（$78）夏天必定要推薦要嘗試！酸味濃郁，呢個泰式涼拌手撕雞米線真係好食！米線爽滑，配上口感鮮嫩的手撕雞肉、青木瓜、青檸、等配料，綜合出獨特的酸辣風味。拌勻後，真係啖啖都充滿左豐富的口感和層次，未食已經有陣陣既芫荽以及香蒜味，令人回味無窮。我覺得值得推薦♥而米線的軟硬度真係 💯！手撕雞亦都分量十足👍🏻配上一杯鹹檸七喜（$22），簡直係夏天嘅完美配搭♥店內採取QR code下單又或者唔駛怕羞叫店員幫你啦😎

店舖用上霓虹燈扭字，加上懷舊風既佈置～ 呢間超型格嘅舖頭睇外面點都估唔到佢係食中式麵食特色手撕雞湯麵~  今次揀咗泰式湯底🇹🇭 青檸味好出係好酸辣醒神既味道～而且佢哋既湯底可以自選辣度同埋痲度而且都係無味精湯底，所以飲晒啲湯都唔會口乾～值得一讚手撕雞無骨啖啖肉🐥 而且肉質軟滑，加埋小小雞皮更加香。加埋一整碗海量既菜菜同瓜瓜，感覺更加健康同埋清爽～麵底可以揀兩溝米線與紅薯粉🍜有少少掺掺既感覺～一啖可以混合左米線軟熟得嚟keep 到唔會一 pat pat加埋爽而Q彈既紅薯粉，令口感更加豐富～整體成個配搭都好出色，依家諗起都流口水～留意返逢星期一二例休，唔好摸門釘呀～

上網睇都有媒體宣傳呢間餐廳，咁啱經過大坑就去試吓~餐廳面積比較細，但係好有人情味！咁好彩我哋去嗰日有表演者坐喺門口表演樂器 ✨老闆娘有出嚟傾偈，氣氛好悠閒好舒適☺️見到有個菜式叫做泰式手撕雞米線 🍜 好好奇泰式加麻辣係咩味，就叫咗嚟試～竟然可以自選酸、麻、辣度，好適合鍾意食酸麻辣嘅人🥹叫咗多酸，中麻，中辣，真係好酸😋喺出面好少食到咁酸嘅米線！仲有加啲香茅，食落好香，但係又有啲麻辣味，好正 🤭💕醉雞翼正常發揮，但個米線真係好好食好惹味～係其他地方食唔到嘅味道～推薦比鐘意食麻酸辣嘅人！！🤤

望住openrice個menu（原來未update)打電話落order, 落完發現加哂價, 本身有啲後悔 （冇諗過一碗米線加嘢飲成$150）點知原來好有驚喜！叫咗泰式手撕雞撈米線小辣普通麻，米線係過冰水冷河果種凍，超彈牙！泰式汁唧埋個青檸味道好清新又夠味，足夠芫茜，就連跟麵嘅菠菜都係淥到剛好嘅翠綠😍睇得出每個細節都係用心之作，雞夠多又嫩，仲要走皮冇乜肥膏啖啖肉。飲埋杯益力多青檸梳打，舒服哂。 $150係抵返。

除咗譚仔之外，我最鍾意就係食呢一間前座米線😜😜😜真係好好食呀，尤其是係佢個米線撈薯粉，另外佢個手撕雞都非常出色。我今次仲叫咗老闆娘要多芫荽，湯底好濃，另外米線係我鍾意食幼嗰隻米線☺️☺️☺️最緊要係佢同隔離間舖頭合作做手工啤酒，鍾意飲手工啤嘅人就最適合啦。同埋老闆娘都係愛狗之人，帶狗狗經過都會請佢地食零食，勁開心，超興奮。前座間鋪有啲復古風，最啱啲人打卡！總括嚟講，呢間我係會覆桌嘅餐廳🙆🏻‍♂️🙋🏻‍♀️

泰式燒豆卜$60好味指數：8/10一個好特別口感嘅小食，見到店員喺個焗爐🔥裏面係咁炒係咁烘，脆卜卜😬嘅外層入邊又唔會整到太過乾，而且主角係啲泰式嘅醬汁💦，咬開佢嚟點更加滋味，因為酸酸🌶️辣辣好醒胃。特式手撕雞湯麵-少辣-少麻-米線溝紅薯粉-泰式手撕雞配青瓜絲，芽菜$110好味指數：10/10呢個湯麵🍜真係世界級🥇，首先想講佢啲手撕雞非常滑，一啲都唔會👅鞋口，而且有少少泰式辣汁喺上面，非常刺激🤩味覺，之後佢用咗米線溝埋紅薯粉再搭埋一啲🥒青瓜絲，非常煙韌得嚟，而且好有咬口，口感好豐富，仲有佢個湯係泰式🇹🇭嘅湯底，辣辣地🌶️得嚟好清甜，仲有兩嚿好入味嘅蘿蔔同埋芽菜，我哋未食完已經講定，下次要再嚟食❤️。有汽士多啤梨瑪黛茶$26好味指數：9/10呢種飲品非常新穎，我哋都未試過有汽嘅🫖茶，所以專登叫嚟試吓，果然有😌驚喜，士多啤梨🍓味濃得嚟唔會蓋過茶香，仲要佢係香港製造，原來本土出產嘅都可以咁有💞心思，大家真係要多多支持。

琴日喺大坑食左間好型嘅麵店📍前座飯堂港式裝潢 打卡一流✨店內電視仲播緊周星馳添！✅泰式涼拌手撕雞撈米線溝紅薯粉💰$110成個粉都好好食唯一係好後悔冬天食撈麵😂爭啲凍薑左🥶

上個星期去開大坑，打開Openrice見到前座裝修好特別，食物吸引，於是去試下。首先間嘢打卡好靚，坐入鋪頭入邊好有氣氛。不過見大多係2人台，而小鋪地方不大。星期六下午1：15坐低，唔使等位。但同想象中唔同嘅地方：⚠️見到Openrice有餐牌，但當日去到係QR掃 Code落單。以致本身睇好食個款以為$45，落單原來$88唔知係咪印錯還是星期六日唔同價…⚠️叫左個拌麵，落單至少半個鐘先有嘢食。雖然人手得一位靚女，都理解上餐速度慢啲。但餓餓哋想坐低食嘢，真系有點燥。即系叫人餓就唔好食呢間咁解🤣正題👉🏻今次叫左：涼拌酸辣或麻辣米線/紅薯粉 $88-薯粉-麻辣-唔記得係咪叫左BB辣加豬大腸 $ 20 味道：十分好味。少少辣又夠麻，鐘意食麻辣嘅朋友必試！辣辣地又有配料青瓜絲、木耳、娃娃菜。不過娃娃菜可以淋少少。(ps：唔知應該餓得濟覺得食咩好好味) 加左豬大腸，冇騷味幾好食，不過偏鹹。另外薯粉都好入味，煮得啱啱好。配料仲有鹹酸菜。份量：薯粉本身好大份夠飽肚，加埋仲有青瓜絲木耳娃娃菜。真系好足夠。$20加左份豬大腸都有5大舊(或以上)價錢：自己覺得一個薯粉$108蚊偏貴，好在味道同份量都可以搭救返。

💛 #大坑 @chinjorfantong今日同朋友去咗港島行山，之後就去咗大坑食嘢😚 本身諗住飲杯咖啡，經過呢間「 #前座飯堂 」見到啲裝修好特別就入咗去食嘢😆🐥 泰式手撕雞米線/ 紅薯粉 （$88）一google search呢間餐廳，見到個lihkg post話要小心呢間黃店，因為太好食，所以我就叫咗🤣🤣 呢度除咗揀米線或薯粉，都可以選擇兩樣叫晒，我就叫咗兩溝試晒😚 薯粉煙煙韌韌，米線吸咗啲湯比較軟腍入味😋 除咗「辣度」，米線嘅「麻度」都可以自由選擇㗎🤩 手撕雞真係超級滑，好好味😋👍🏻🐣 麻醬雞絲涼拌米線 （$78）朋友叫嘅麻醬米線好香，手撕雞一樣係超香滑😚🐤 醉雞翼 （$38/4隻）清涼嘅花雕醉雞翼，酒味香而唔會太濃☺️ 雞肉好多好實淨👍🏻

▫️前座飯堂大坑新村街39號地下大坑以美食見稱，今此特意到這家走香港懷舊風的小店覓食。餐廳門面是白色而且帶點鐵鏽的舊式鐵欄，「前座飯堂」四個字用紅色霓虹燈挂在鐵欄上，非常搶眼。店内麻雀雖小，但裝潢令人眼前一亮，牆身有80年代的電影海報，大字標語，天花有閃爍的disco燈，配上香港經典舊歌，加上店内的燈光主要以粉紅色的霓虹燈作點綴，很有懷舊的味道。雖然店内座位不多，但旨在情懷非常復古，很容易融入80年代的氛圍。🍽 泰式手撕雞米線店内的食物選擇不算太多，但勝在非常足料。所有湯麵都可以選擇湯底、辣度、麻度、麵底更可以選擇兩溝 (米線溝紅薯粉)。我點了泰式手撕雞米線，手撕雞份量好多，嫩滑得來不會太乾身，好香芝麻味。辣度我選擇了中辣，麻同辣味都好出，味道好香，湯底很濃，而且配料也很多，值得一試。