双囍冰室

营业中

休息中

之前见到有人介绍鸡白汤米线，今日特登过嚟试，都几特别，味道亦唔差。黑松露酱蘑菇鸡白汤：油封鸭腿+猪软骨+棉花鱼肚，金蚝味鸡白汤：油封鸭腿+猪软骨+唐扬炸鸡。两个汤底都好够味，不过我老公唔系好钟意黑松露，我下次会试四川麻辣，猪软骨真系好似介绍咁好大条，而且好够腍，油封鸭腿就有啲失望，好似整得唔够耐所以唔够腍，直头系有啲韧，埋单嘅时候有同店家反影，态度正面、话可能一煲有啲上下嘅问题，但系我觉得唔会啰！而且我之后喺第二啲群组有分享过，有人话上次食都系韧，仲话下次一定唔会再试，棉花鱼肚味道合格，都几多有三、四件而且都几大块，唐扬炸鸡得有少少惊喜，够香脆够热，好味。套餐可以拣三个𩠌，最抵食应该系鸭腿同猪软骨，因为两个份量都好够，特别系猪软骨，一条好长好足料，相对其他𩠌就似乎普通咗啲，好似今日𠮶个炸鸡系好食嘅，但系得两嚿仔，同另外𠮶两个𩠌嘅份量相差太远，但系鸭腿佢又整到咁勤，所以下次应该都唔会食，唔知可唔可以拣两份猪软骨，因为其他选择份量比较少唔多抵。