青花汾

营业中

休息中

呢间刀削面我嚟食过两次，第一次嚟睇见餐牌上有狮子头，立刻叫嚟试吓，但好可惜1:00嚟已经话卖晒。咁就叫咗醉鸡。佢嘅煮食可以叫拉面或者刀削面，我系比较钟意食刀削面，所以就叫咗。醉鸡食落唔系十分够味，不过肉质好滑，食落唔会起渣。个刀削面食落有啲烟靭，越照越过瘾，照吓照吓居然成碗面食晒，但系份醉鸡居然系食唔晒，其实系因为佢真系好大份。食刀削面其实个汤底好重要，佢个汤系有几浓嘅药材味，算系几有水准。第二次再去就早咗去，所以食到狮子头。食物到嘅时候见到个卖相相当唔错，狮子头个表面炸得好靓，亦炆得好入味。我会觉得呢间刀削面整体都唔错，只系地方较窄，而且侍应打点唔细心，所以个地方有啲唔系咁整洁。如果真系钟意食刀削面都可以嚟试吓。见到有其他食客批评食物质素差，我相信系因为厨房出品状态有参差。