喫麵 (K11 MUSEA) (已搬遷) 新店位置

今日圣诞节，基本上周围都好多人，黎过咁多次K11，都未试过泊车要等，今日竟然系兜圈兜左几个字先有位，可想而知有几多人，行过几间想食既餐厅都好多人，咁岩见到系MOMA隔离呢间吃面有吉位，就拿拿临入去啦，基本上呢间野都系自助形式，揾位自己揾，野食可以用QR code或者系部机度自己拣，都算OK方便既。咁我叫左吉隆坡传统虾面，九龙蕃茄浓汤和牛汤粉，上海柑桔柠檬绿茶，京都巨峰提子梳打，我唔知点解样样野食都有个地方名啦，不过应该无乜关系。D野饮无乜特别，正正常常，不过不失，至少唔会太淡先。至于个虾面，就真系有惊喜，一放上枱，已经闻到浓烈既虾汤味，咁即刻饮下个汤底先，正，好够虾味，之后再渗出黑椒既辣味，唔错，不过份量细左D，但味道真系唔差。至于个浓汤和牛汤粉，个蕃茄味系浓既，但我觉得系正常发挥，无个虾面咁惊喜。因为无set 叫，所以都唔算平，但系K11入面，应该都唔算贵既。