越滋味 (已結業)

琴日第一次跟女友嚟呢度食lunch，自己都系睇报纸介绍先识嚟。店子不大，人亦不算太多，可能因为呢间铺只系开业不久有关la..叫咗两个set，越式三寳饭及越式炒粉丝，另加一碟鸡肉纸米卷。餐饮先嚟，杯冻咖啡味浓，不俗，可惜落咗太多冰，D味就越饮越淡。三宝饭包括有猪扒、扎肉及鸡翼，普普通通，鸡翼煎得几香，猪扒就比较干，麻麻地；炒粉丝加咗扎肉丝落去炒，调味得比较咸，又系普普通通；个纸米卷就弄得不错--- 米卷皮烟靱，有米香，馅虽唔系咁多，但因鱼露味道调得不错，将件米卷浸落去然后食，味道系唔差嘅。埋单只系八十几蚊，系CWB嚟讲都唔算贵，可以试多次...