龍蝦燒 (已結業)

姑姐生日哥哥提议去食重庆烧，不过因为姑姐同几个细佬都唔得食辣野，再加上前排经过龙虾烧门口果个姐姐好热情咁介绍，所以最后落实左去食龙虾烧。因为生日既关系系ITALIAN TOMATO订左个蛋糕，预早小小去龙虾烧放低个蛋糕先，姐姐叫我最好早小小人齐入去坐住先，如果唔系一阵多人惊俾唔到位我。多谢提醒~! 未够7点我同姑同埋细佬去到.. 先坐低。 老实讲，位系窄既，系唔系几好坐，侍应部份魂魂地游，年纪比较大既姐系串串地咀既，但系.. 唔好当佢高级食店，当佢大排档.. 就OK。基本上无明文规定一人可以叫几多只龙虾，但系我地一坐低姐姐就话因为旺场既关系，迟小小叫可以要两个人SHARE一只龙虾，叫我地如果谂住一人一只最好叫左先。其实我唔系好明.. 咁系咪一张枱5个人.. 只可以叫一次之后唔可以再烧龙虾? ANYWAY，竟然佢咁讲，我地就落住3只先。唔系好敢试佢果D新款食法，即系果D蜜桃芝士牛油烧... 叫左普通既芝士牛油烧, XO烧同埋蒜蓉牛油烧.. 都几好味另外叫左羊架, 牛串呢两个都好OK. 芝士牛油焗杂菌, 烧大蚬同埋牛油蒜蓉金菇天使面都系必叫既食物黎架总括黎讲，食物OK啦。人多去可以BOOK