蘇浙滙 (太古城中心)

营业中

休息中

同事生日饭，一行7人唔想饮茶但想食中餐，苏浙汇系唔错既选择。一班同事食饭，无逐一影啲𩠌。先黎前菜，鸡丝粉皮，捞咸鸡，素鸡，熏蛋。份量唔多，全部都唔错。再来汤，全部人都拣左南北杏炖猪展。非常热，似刚滚起，几清甜，赞！7个主菜，较有印象觉得好味系蚂蚁上树同赛螃蟹。其他好普通，同埋大家都觉得愈来愈细碟！有啲𩠌之前系好味的，但最近两次食都麻麻，例如糖醋鱼片，鱼愈来愈细，粉愈来愈厚⋯⋯甜品我拣左汤丸，芝麻馅的，OK。食物质素整体OK，系主菜有啲失望，一次比一次差。百几蚊有汤，前菜，主菜同甜品系几抵食的。地方宽敞，坐得舒服，唔full，揾唔到位食饭可以来试试。