牧羊少年咖啡館 (已結業)

虽然地方唔系好大，但系都算寛躺， 周围都放满左书，不过书嘅种类唔算好多，爱情小说、散文比较多， 有次想睇鬼故，揾咗好耐先揾到一本😂😂。就算唔睇书，同朋友喺度一边倾计一边食嘢都唔错。呢度仲好似可以用一本书去换一杯咖啡，等我下次睇完本书拎过嚟玩一杯试吓先。呢度嘅食物水平好高，有两本唔同嘅餐牌，每隔两三个月就会换一次，车打芝士汁鲜虾意粉同埋黑松露野菌意粉都系我嘅首推！！除咗意粉仲有all day breakfast。饮品种类多，就算唔饮咖啡都有其他水果茶之类嘅饮品选择。仲有小食同甜品添，水牛城鸡翼绝对值得一试👍🏻👍🏻👍🏻甜品我就暂时未试过。如果咁岩约咗朋友喺附近但未够钟嘅话，想揾个地方Hea下时间，可以喺呢度睇住书，饮杯咖啡或者食个甜品咁样等。