滾喜火鍋專門店 (已結業)

4个人约左6:45pm，有朋友早到左半个钟，结果都可以入去坐住等，仲已经可以叫定野食，攞定野饮。服务员都几热情，虽然成个场得3个人，但有求必应，唔需要等好耐。话就话2小时放题，但过左钟都无赶人走，差唔多9点先离场。食物方面，4个人2个煲，当然叫晒麻辣同芝士鸡煲。麻辣拣左BB辣，开煲炒果下又香又攻鼻，食落几香，几乎无辣味，鸡髀肉为主；芝士果边就感觉芝士少左d，但芝士味超香，4个人食2煲，已经饱饱地，无再加鸡，直接转火锅模式。火锅方面，其实就一般，不过不失，份量分得几细，嗌嘅时候都易把握，上菜都快，无话要等住食。印象较深嘅系白鳝片，几滑下；其次就系佢嘅竹席茅根水，灌了两壶🤣。