Uptown 90 (已結業)

唔知应该话我自己唔好彩，定呢间餐厅对个个都系咁，一上到去空气好污浊，感觉不太舒服。刚坐下记发现椅子刮大比，因为椅子表面层胶已经烂左，今日著左裙所以一坐下已经感觉不舒服。整间餐厅黑沉沉的，略嫌有啲旧和污糟。2人都叫左鸡扒餐加$1沙律吧，以几十蚊一个午餐黎讲实在不会期望太高，沙律吧的食物尚可接受，有粟米粒，粟米条，泡菜，红腰豆，桃，汤有2款，一款红一款白。main course鸡扒大大块，呢样值得一赞，鸡扒唔鞋但略为肥腻，反而薯菜系最好味道，全部食哂。之后叫埋单，叫左几次都无人理，明明人手都充足，好彩有睇单，计错左一个牛排餐一个鸡扒，叫佢改单。第2次连单都无比我睇就咁用口讲$141，我心里觉得银码应该差唔多所以就直接比左钱。返到公司一睇单，又计错，都唔知系咪专登，2次都计错。整间餐厅唔系好多枱客，有无可能咁都计错?我觉得好有问题，2次都计贵左，又唔见佢计少?永无下次!