湄南 (已結業)

天晋汇呢边好多餐厅都未试过，钟意食越南菜嘅我哋拣咗湄南。两点左右客人并唔多，餐厅布置都几雅致，坐得几舒服，室外都设有座位。我哋每人叫咗个午巿套餐，另加配一款小食，除咗越式蕃茄牛腩焗饭同呢度嘅菠萝几甜外，其他食物味道好一般，饮品选择少，服务态度亦好一般。餐牌无列明可选择嘅饮品，Order嘅时候职员只淡淡讲句无，再问先冷淡讲有咩选择。越式海南鸡饭(配中汤)，食越南菜必叫，鸡有少少雪味，鸡肉唔滑，油饭可以，最好就系个汤，味唔算太重，有少少椰子香味。越式海鲜炒金边粉，海鲜少，除咗一只虾放面，其余只有少量八爪鱼，味比较淡，不过粉炒得干爽少油，亦少油。越式蕃茄牛腩肉饭，我觉得个汁好好味，唔酸但有茄味，送饭一流，牛腩唔少，唔太淋有少少咬口。加配小食：鲜虾菠萝米纸卷(1件)，都几大条，好多配菜，菠萝好甜比较特出。越式春卷卷(2件)，新鲜炸起，好似有芋头丝，都唔错。香茅鸡翼(2件)，好淡，无味，好似炸定翻炸咁。饮品选择少。