影片
更多
2008-07-01
5 浏览
今日系一个幸运既日子, 首先系好彩咁比"Openrice"抽中出席今日呢个"江川寿司赏味大会", 而咁好彩既事又点会得我一个呢...饮食兵团720都有份呀, 咁我地今日就大家都有个伴可以一齐食餐劲既..... 试食会系一点半多先开始, 赞助菜式如下: 香芒蟹籽沙律 - 应该系用苹果芒而唔系普通吕宋芒, 因为好够甜...至于蟹籽沙律, 我个人应为麻麻, 因为比较干身, 好少沙律酱唔够味, 只食到青瓜丝既味道, 好寡...三文鱼刺身 - 一D都唔新鲜, 仲有一阵怪味, 师傅话应用系供应商出问题, 但佢地身为师傅, 点解唔系有试过先比客人食咩??江川刺身盛(什锦刺身并盘) - 整系嚟讲都系麻麻地, 因都有少少怪味, 但无咁大, 而且个海胆几鲜甜, 争番少少分原板海胆 (可自制海胆寿司) - 海胆的确系鲜甜, 就咁食或自己整成寿司都好好味江川金龙卷 - 呢个都唔错, 牛油果既香加埋芒果甜, 都几夹, 但反而个虾味突出唔到, 但食到爽口弹牙左口鱼刺身 - 呢个我一D都唔欣赏, 鱼既味好淡好淡, 好似无味咁, 就算点埋酱油都食唔出有咩鲜味特大带子寿司 - 我本身唔好带子, 但一场嚟到见到咁大粒带子
试食会系一点半多先开始, 赞助菜式如下:
香芒蟹籽沙律 - 应该系用苹果芒而唔系普通吕宋芒, 因为好够甜...至于蟹籽沙律, 我个人应为麻麻, 因为比较干身, 好少沙律酱唔够味, 只食到青瓜丝既味道, 好寡...
三文鱼刺身 - 一D都唔新鲜, 仲有一阵怪味, 师傅话应用系供应商出问题, 但佢地身为师傅, 点解唔系有试过先比客人食咩??
江川刺身盛(什锦刺身并盘) - 整系嚟讲都系麻麻地, 因都有少少怪味, 但无咁大, 而且个海胆几鲜甜, 争番少少分
原板海胆 (可自制海胆寿司) - 海胆的确系鲜甜, 就咁食或自己整成寿司都好好味
江川金龙卷 - 呢个都唔错, 牛油果既香加埋芒果甜, 都几夹, 但反而个虾味突出唔到, 但食到爽口弹牙
左口鱼刺身 - 呢个我一D都唔欣赏, 鱼既味好淡好淡, 好似无味咁, 就算点埋酱油都食唔出有咩鲜味
特大带子寿司 - 我本身唔好带子, 但一场嚟到见到咁大粒带子, 真系忍唔到要食...算系鲜甜有口感, 而且无左平时好怕果阵腥味...正
5A和牛寿司 - 原本系好大寄望, 但食落无咩味道....又或者我之前无食过和牛, 根本唔知点比较
塩烧牡丹虾 - 好香好香, 又有虾膏既鲜味都几好, 只嫌太油
江川味上之吞拿鱼寿司 - 比较鲜红色既吞拿鱼, 上面放左D葱, 侧面有烧过既痕迹, 但入口感觉一般, 此终鲜味欠缺
吞拿鱼腩寿司 - 呢个系我觉得除左海胆之外最鲜最好味既, 入口有鲜味(虽然第一啖咬落去有根, 但之后成件放入口既感觉完全唔同晒)而且有溶化既感觉.....好味道~~
金箔火炙鹅肝 - 见到真系流晒口水, 但我件烧得比较生, 而且有根, 只系食左少少, 但应该都系好好味既, 因为见到其他人都食得好满足
日式甜薯 - 切到细细粒沾满蜜糖上, 食落唔会好滞, 而佢有个特制既桂花酱, 好有特式
日式雪糕(红豆/绿茶) - 好好味, 唔知边到有得买呢???
整个试食既菜式好丰富而且食得好包....但整体嚟讲质素差痴, 食物既PRESENTATION睇到系有心思, 但总系觉得唔够新鲜, 由其系刺身, 同埋佢地好似未有为自己定好位, 定好方向, 餐厅既格局比我感觉似走中底价路线, 但佢既菜式又偏中高档次, 希望佢地可以继续努力同改善
再一次多谢Openrice今次既邀请
张贴