十人十色 (已結業)

寻晚同男友&好友三个人到十人十色开饭，唔知系咪假期前关系，比平时多人好多，行到入去企一阵先有待应叫我地出返去门口登记等位...入到去被安排坐卡位，卡位算好宽阔坐得好舒服。我地叫三文鱼剌身、寿司、介辣酱烧秋刀鱼、介辣酱蟹子沙律、牛油果软壳蟹卷、盐烧牛舌等。三文鱼剌身- 一般新鲜。寿司- 就真系麻麻，饭一夹就散。介辣酱烧秋刀鱼- 秋刀鱼夹住企辣和宁檬汁香味，好开胃。牛油果软壳蟹卷- 个样都唔错，但系味道就好一般有待改进。介辣酱蟹子沙律- 几有创意，冇咁闷，有介辣香但唔辣，几得意。盐烧牛舌- 我唔食牛肉，但系男友话超正，好有口感。可能系太多人关系，待应十叫九唔应，叫又唔记得，有一个连雪糕系咪都好似唔知咁....有待改善。埋单每人百二蚊，算好经济。会再去睇有冇改善。