鮨樂 (MOSTown新港城中心(4期))

营业中

休息中

平日下午一点半入座，全间餐厅得三枱客，唔驶等即入。枱与枱之间十分松动，而且播住日文歌特别好feel。 叫咗个set lunch，餐牌好似同之前个post唔同。寿司定食包味噌汤、沙律、乌冬或荞麦面，有得选择冷或热。职员有礼貌，我食咗45分钟有自动自觉加咗两次茶，可能唔系高峰期去食会有分别。 要咗个冷乌冬，乌冬弹牙，我要求加葱同姜蓉职员都帮到手。 面豉汤唔会得个咸字有好多紫菜。 寿司新鲜，鱼肉同饭偏细旧。落单时可以要求先加wasabi或唔加落寿司度。白生鱼偏淡味，中吞拿鱼腩有筋，玉子系无饭嘅 ，整体质素中上。一个女仔食十件寿司加乌冬系饱嘅，下次想试埋佢哋嘅串烧。