友義氣‧酸菜魚 (小炒打冷)

营业中

休息中

同朋友过嚟食饭吹水。见有两人套餐，都好低。叫咗个酸菜鱼，口水鸡，鲜果咕噜肉。佢嘅招牌菜酸菜鱼都真系算几好食😋。鱼肉够嫩滑冇骨，但欠缺鱼味，如果鱼味浓仲正。汤都好够味，同埋佢可以俾你拣辣度，叫咗中辣，酸辣适中，啱晒食辣嘅人。除了酸菜鱼之外，餐厅嘅小炒都好出色。鲜果咕噜肉，份量唔少，最正真系有新鲜波箩伴碟。咕噜肉炸得啱啱好，里面都好有肉汁，好嫩，个汁都好啱口味唔太酸，好有惊喜。呢个大推荐👍🏻👍🏻。至于口水鸡就都系正常水平，但系好钟意佢嘅花生好脆同埋唔油。餐厅的装潢都算干净企理。餐厅的员工好好人，成个场都好忙，见我哋自拍，都话帮我哋影相。仲有要赞下呢间出菜好快，如果好肚饿去食都唔使怕等好耐。如果经过呢头想试试酸菜鱼，呢间会是一个非常好的选择。我会几推荐呢间餐厅，佢价钱合理，食物水准都算高。下次嚟一定要试下其小炒。