夏麵館 (荷里活廣場)

营业中

休息中

星期日喺荷里活广场Shopping，行行吓肚饿tim，原来已七点嘞。我哋未试过呢间，见又唔多人排队，所以嚟试吓啰。有好多嘢都想食，最后我哋要二人套餐($168)。虎皮素鹅 - 腐皮卷住少少金菇，然后炸到脆脆哋，味道都几好。荠菜豆腐羹 - 呢个味道一般，望落去就觉得巧功夫，因为豆腐切到超细粒，每粒豆腐只有2-3mm宽。雪菜肉丝炒年糕 - 年糕软度适中，口感好，Sauce有雪菜、冬菇丝和肉丝，味道清清哋都唔错。菊花鱼球 - 卖相几好，好似三朵菊花咁，见到都几开心，可惜炸得唔够脆，个sauce甜甜酸酸，几开胃。高力豆沙 - 呢个系我喜欢嘅甜品，佢做得都唔错，豆沙不太甜，好味道。Overall食物都满意，价钱OK(埋单$195)，Service又好，如果唔多人排队，都会再嚟嘅。