味苑 (已結業)

今次喺荃湾饭聚，唔想成日食连锁餐厅，喺openrice左睇右揾，发现呢间评价几好，朋友和议就订位了。见食评人推荐烧味，于是叫了蜜汁叉烧同烧鹅皇，好彩叫得早有得品尝，因为坐坐吓听到烧味师傅大叫停鹅皇。叉烧汁多肉嫩，如果有少少肥，仲正!烧鹅唔点酱都好好味，肉多，皮脆，真系啖啖肉!仲有龙虾伊面，份量十足，肉够多，茨汁香浓，伊面又足料!另有小食拍青瓜，原来辣辣哋，同平时冇辣比，又几清新!清汤蝴蝶腩，牛腩好味又够'林'，又啲肥(并不是肥膏𠮶种)又有啲筋，但我反而中意萝白(清甜入味)同香芹(芹香脆嫩)。店内有卡位同圆枱，卡位亦有装修布置(鸟笼)，环境舒服。