Cascara (已結業)

见open rice 入面d评价唔错，自己又八卦谂住入去试一试。叫咗一杯朱古力咖啡同埋一碟蘑菇鸡肉意粉。咦！杯咖啡好滑㖞，卖相又靓。至于个蘑菇鸡肉意粉几清新，味道浓淡刚刚好。唯一要弹嘅就系蚊滋比较多。坐咗25分钟已经比我咁㩒死五六只。搞到我一路食意粉要用张纸巾冚住个杯朱古力咖啡，就系惊啲蚊滋飞落杯咖啡度。总括嚟讲啲嘢食系几好食嘅。如果可以减少蚊滋就更加好。由于座位不太多，我食完就快快脆脆走人。希望下次帮衬时冇晒啲蚊滋啦。