Burger Lab

营业中

休息中

刚刚喺九龙公园打完波，去佐敦最出名嘅白加士街揾嘢食，行均左都冇心水，点知去到喺另一条庇利金街见到一间舖头细细既汉堡包专门店，因为系下午茶时段，所以冇乜人，而且仲有八折，姑且一试。见到餐牌，都有十几款选择，而且仲可以附加配料，于是我就点左个经典牛肉，另外自己再加块菠萝🍍，配埋套餐连饮品。等左大慨十分钟，食物到，物量好足，包搽过牛油，烘过，外脆内软👍，配料足，生菜蕃茄洋葱，牛肉约七成熟，可能加咗块菠萝，咬落去出水出汁，好彩有手套提供，贴心，薯条即叫即炸，加咗盐同黑椒，热辣辣，整体性价比高，好过出边𠮶啲大牌子又贵又唔好食，呢间小店，值得再试。