影片
更多
2007-06-17
10 浏览
寻晚女友话好想食餐好, 而我又好想试下新野, 于是乎突然间谂起呢度食评话唔差, 所以两个人决定黎呢度试下!入到去见到都几多位, 以为冇咩人啦, 点知原来有几张系留坐, 心谂都算好彩, 如果黎迟少少就位都冇, 咁就会白行一趟!睇左一阵餐牌, 谂住叫一个大虾芒果沙律, 芝士焗生蚝, 一个晚餐要牛柳配鹅肝, 点知落左单先知冇大虾芒果沙律, 有少少失望, 于是乎唯有转另一款晚餐要左肉眼扒!先讲下个晚餐, 有餐汤, 头盘, 主菜, 甜品同餐饮, 都算抵食! 先黎两个圆面包加两件法包多士, 两份牛油, 仲有一样就系谂都谂唔到会有野, 就系有一件鹅肝酱, 当我见到时候真系十分开心, 好耐都冇食过鹅肝酱喇, 而个包仲系好热, 配埋鹅肝酱, 直头好好味呀; 头盘要左烚龙利柳同埋鸡软骨饺子, 烚龙利柳好得, 虽然龙利柳唔系好大件, 不过好滑同埋唔腥, 个味又教得好, 正呀; 鸡软骨饺子有两件, 鸡软骨唔会太硬, 令到饺子比较爽口, 而且味道一流; 餐汤就要左忌廉汤同埋杂菜汤, 忌廉汤系周打鱼汤, 我冇试过唔知系点样, 而杂菜汤都几清几好味; 肉眼扒同埋牛柳配鹅肝就一般d, 因为肉眼扒同牛柳都冇咩味, 系几
入到去见到都几多位, 以为冇咩人啦, 点知原来有几张系留坐, 心谂都算好彩, 如果黎迟少少就位都冇, 咁就会白行一趟!
睇左一阵餐牌, 谂住叫一个大虾芒果沙律, 芝士焗生蚝, 一个晚餐要牛柳配鹅肝, 点知落左单先知冇大虾芒果沙律, 有少少失望, 于是乎唯有转另一款晚餐要左肉眼扒!
先讲下个晚餐, 有餐汤, 头盘, 主菜, 甜品同餐饮, 都算抵食!
先黎两个圆面包加两件法包多士, 两份牛油, 仲有一样就系谂都谂唔到会有野, 就系有一件鹅肝酱, 当我见到时候真系十分开心, 好耐都冇食过鹅肝酱喇, 而个包仲系好热, 配埋鹅肝酱, 直头好好味呀; 头盘要左烚龙利柳同埋鸡软骨饺子, 烚龙利柳好得, 虽然龙利柳唔系好大件, 不过好滑同埋唔腥, 个味又教得好, 正呀; 鸡软骨饺子有两件, 鸡软骨唔会太硬, 令到饺子比较爽口, 而且味道一流; 餐汤就要左忌廉汤同埋杂菜汤, 忌廉汤系周打鱼汤, 我冇试过唔知系点样, 而杂菜汤都几清几好味; 肉眼扒同埋牛柳配鹅肝就一般d, 因为肉眼扒同牛柳都冇咩味, 系几新鲜同埋好松身, 但系就几淡口下, 落d海盐就会令块扒同牛柳有少少咸味, 不过我就提唔起兴趣去食, 唔系话唔好味, 不过师傅我就唔系好钟意喇, 要配埋个烧汁先至可以勉强食埋, 而块鹅肝就好大块而且煎得都好香, 呢个就好味; 配菜有炸薯仔蓉, 翠玉瓜, 茄子同埋半个蕃茄, 不过呢d我都冇食! 而另一个加芝士焗生蚝又系非常得, 生蚝都算几大只, 好新鲜一d都冇苦味, 配上芝士黎焗系非常香口, 好美味, 而伴碟焗薯蓉一d都唔马虎, 薯蓉唔会太廉口, 好味!
唯独杯冻柠茶就真系唔得喇, 一d茶味都冇; 而个甜品系件蛋糕, 蛋糕本身都唔错, 可以呀!
不过服务就真系麻麻地, 个伙计全程都黑口黑面, 落单又好似唔想做咁, 问佢牙签佢又比张单我, 搅到我都有d火火地! 其实其他人都做得几好, 而食野过程系唔会催你, 等我地食完一碟再一碟, 不过我觉得佢地仍有地方可以再可以再改善好d啰!
下次我都应该会黎, 但我谂我唔会食扒啰!
张贴