魷味 (已結業)

又系嚟到葵涌广场嘅时间，今日就试咗一个小食，个名叫做邪恶玉子烧。依家好兴喺d物名前面加上邪恶紫薯芝士拉丝乜乜乜，咁就好似好容易引起热潮，吸引好多人排队来帮衬。我今日就决定睇下到底呢个邪恶玉子烧系唔系真系食完会觉得好有邪恶感一份玉子烧＄28，本身嘅配料系包括粟米，芝士同蟹子，另外我哋自己仲可以选择加配一份材料，而我就选择左蟹柳玉子质感唔算厚实，切开份玉子烧时，蛋浆已经自动渗出我自己觉得粟米同蛋嘅比例系合适嘅，但系粟米唔爽口亦都唔甜另外，如果蟹子份量多啲就会比较好，因为蟹子脆卜卜，可以增加份玉子嘅口感可惜成份玉子烧嘅芝士味并唔重，我自己就唔觉得食完好邪恶感