影片
更多
2010-08-06
21 浏览
同友人庆祝生日, 一行十人, 一早订好枱, 所以唔驶等位~~不过就被安排系门口既大枱~可能因为系星期五晚同地方唔大既关系, 一早d 枱已经坐满晒~~~睇左好耐个餐牌, 决定唔到叫咩好, 于是叫左个十人餐! 系度等𩠌菜上枱期间, 试左枱上面既小食~花生豆~原来都几好食~~叫完𩠌, 等左大约十五分钟, 𩠌菜终于上枱喇~镇江肴肉: 肉质够实, 唔会太腍, 不过系肥肉多左小小!碗仔趐: 只系将啲 粉打左系汤度打成芡, 加左小小肉丝~可以唔试!虾仁花枝炒腰果荷兰豆: 份量好多, 虾好大只, 爽口无雪味! 花枝又厚又大片, 炒得岩岩好, 唔会好韧. d 腰果~好香, 唔会有油益味!不过可能系因为同d 𩠌一齐炒过既关系, 腍左啲, 唔太脆~花雕醉鸡:闻落好重酒味, 食落又唔系咁重酒味~~鸡肉都算几嫩滑!大盆鸡: 有辣有唔辣, 拣左辣既! 大盆鸡, 名符其实, 果然好大盆, 劲多材料! 有薯仔, 煮得够腍, 唔系好入味不过都好惹味! 鸡肉我估有大半只既份量, 我地食唔驶仲打包左一大盒走! 鸡肉都够滑, 但可能d 辣椒系之后先加落去炒两下既关系, 食唔到辣, 同埋略略咸左小小! 盐烧鲭鱼: 好厚肉,
可能因为系星期五晚同地方唔大既关系, 一早d 枱已经坐满晒~~~
睇左好耐个餐牌, 决定唔到叫咩好, 于是叫左个十人餐!
系度等𩠌菜上枱期间, 试左枱上面既小食~花生豆~原来都几好食~~
叫完𩠌, 等左大约十五分钟, 𩠌菜终于上枱喇~
镇江肴肉: 肉质够实, 唔会太腍, 不过系肥肉多左小小!
碗仔趐: 只系将啲 粉打左系汤度打成芡, 加左小小肉丝~可以唔试!
虾仁花枝炒腰果荷兰豆: 份量好多, 虾好大只, 爽口无雪味! 花枝又厚又大片, 炒得岩岩好, 唔会好韧. d 腰果~好香, 唔会有油益味!不过可能系因为同d 𩠌一齐炒过既关系, 腍左啲, 唔太脆~
花雕醉鸡:闻落好重酒味, 食落又唔系咁重酒味~~鸡肉都算几嫩滑!
大盆鸡: 有辣有唔辣, 拣左辣既! 大盆鸡, 名符其实, 果然好大盆, 劲多材料! 有薯仔, 煮得够腍, 唔系好入味不过都好惹味! 鸡肉我估有大半只既份量, 我地食唔驶仲打包左一大盒走! 鸡肉都够滑, 但可能d 辣椒系之后先加落去炒两下既关系, 食唔到辣, 同埋略略咸左小小!
盐烧鲭鱼: 好厚肉, 个皮煎到够香够脆, 鲭鱼唔新鲜就好易会腥, 呢条一d 都唔腥!
花胶鹅掌炆冬菇: 花胶好薄身, 好系好在唔腥! 冬菇好厚身, 好香冬菇味, 而且索晒啲酱汁, 好正! 鹅掌无试到, 不过望落都几大只!
樱花虾炒饭: 饭粒粒分明, 但又唔会太过干身, 好多好脆既虾干, 所以食落口好香!
台南楜椒饼: 其实食到呢度大家已经好饱好饱, 因为每道𩠌都好大碟, 但系呢个楜椒饼大家期待左好耐, 所以无论几饱大家都食左半件~ 楜椒饼既皮好薄, 面层有好多好多芝麻, 馅有牛肉(似牛腩多啲, 唔似台湾果只咁碎牛肉, 呢度系大大嚿! ), 葱, 楜椒, 有好多肉汁, 好juicy. 虽然唔可以话佢唔好食, 但系可惜既系佢无楜椒味, 唔似台湾既楜椒饼咁一食有种辛辣既感觉, 食完会令人回味~
整体黎讲食物算唔错, 份量好多, 只系味道某几道𩠌浓左小小! 仲有美中不足既系呢个套餐无甜品, 食完成餐饭无食甜品好似好唔完整咁. 同埋可能我地坐系门口关系, 侍应成日都睇唔到我地, 好耐先帮我地酙水!
张贴
