碗盛 (已結業)

间中我都钟意饮番两杯，所以呢晚就相约朋友嚟到天后呢间【碗盛居酒屋】边食串烧边饮野，超爽呀！我地唔系十分好酒量，所以只系简单叫左少少酒过吓口瘾~【日本版Asahi生啤】淡淡地好易入口，饮完唔会成阵啤酒除~【般若刀辣椒梅酒】甜甜辣辣，好特别，女生特别讨好~先嚟三款前菜小食开一开胃~【白松露枝豆】未食已经闻到松露香味，加入左白松露大大提升左枝豆嘅味道~【麻辣果仁山葵沙律】好有和风特色~【花莲藕渍】唔止卖相吸引，而且酸酸甜甜，好开胃、爽口~接著落嚟到串烧出场~【鸡皮】同【鸡颈肉】都系取材自日本阿波鸡，鸡皮食落不油腻，脆到好似食薯片咁，而鸡颈肉就外脆内软，入口即溶，非常美味~大爱【酱烧金菇牛肉卷】和【酱烧流心竹轮豚肉卷】嘅酱汁，系由师父自家调配的，所以特别惹味)，豚肉卷内仲包住左狮子狗和满满的芝士呢！【烧糖心菠萝、牛油烧翠肉瓜】好juicy和清甜~【蒲烧三文鱼腩】油香四溢，肉质保持了水份，唔会好干身~【豚肉豆腐锅配猪骨浓汤】豚肉好鲜嫩香嫩，加上滑滑的豆腐、金菇和蔬果，十分丰富~边饮酒边食串烧真系特别痛快，加上有卡位坐好舒服, 仲有其他美味高质美食，谂起都流晒口水呀！