影片
更多
2020-12-02
2138 浏览
今日同朋友行开旺角，朋友带左我去「上海六一八」。本身唔知咩系「上海六一八」，去到见到好多年轻人，又有手作市集又有文艺小店，先知原来「上海六一八」系个咁特别嘅地方。行行下见口渴，见到有间茶饮店。名叫「吃茶三千」，售卖台式饮品。我好钟意饮茶，又见个名几得意就一于试下！原来有个「出杯处」系喺店出面嘅位置，有一张小小嘅长櫈比客人坐底饮。不过座位有限，要坐都要碰碰运气啦。朋友同我相反唔钟意饮茶，正担心紧唔知有冇野饮啱佢嘅时候，店员就细心咁推介朋友饮「熔岩黑糖波霸鲜奶」。店员话呢杯野饮似珍珠奶茶但冇加到茶，啱晒我朋友！饮落似食紧云尼拿雪糕，加上烟韧弹牙嘅珍珠，又有得饮又有野咬下几过瘾～本身谂住各饮一半然后交换黎饮，点知朋友竟然唔舍得比我饮，话只准我饮一啖😩！可想而知呢杯「波霸鲜奶」有几好饮啦～我钟意饮茶就嗌左杯「宝岛经典水果茶」。点左热饮。职员比两种甜度我选择：完美甜或走甜。职员解释完美甜即是七成甜度。我就试下「完美甜」睇下点完美法啦！因为热嘅关系，一打开盖香气就随住d水蒸气飘出黎，闻到好香嘅果味。入面有两片苹果、两片柠檬、百香果粒同埋大量菠萝粒，饮到尾就见到杯底有好多菠萝粒同埋百香果粒，多到可以
行行下见口渴，见到有间茶饮店。名叫「吃茶三千」，售卖台式饮品。我好钟意饮茶，又见个名几得意就一于试下！
原来有个「出杯处」系喺店出面嘅位置，有一张小小嘅长櫈比客人坐底饮。不过座位有限，要坐都要碰碰运气啦。
朋友同我相反唔钟意饮茶，正担心紧唔知有冇野饮啱佢嘅时候，店员就细心咁推介朋友饮「熔岩黑糖波霸鲜奶」。店员话呢杯野饮似珍珠奶茶但冇加到茶，啱晒我朋友！饮落似食紧云尼拿雪糕，加上烟韧弹牙嘅珍珠，又有得饮又有野咬下几过瘾～本身谂住各饮一半然后交换黎饮，点知朋友竟然唔舍得比我饮，话只准我饮一啖😩！可想而知呢杯「波霸鲜奶」有几好饮啦～
我钟意饮茶就嗌左杯「宝岛经典水果茶」。点左热饮。职员比两种甜度我选择：完美甜或走甜。职员解释完美甜即是七成甜度。我就试下「完美甜」睇下点完美法啦！因为热嘅关系，一打开盖香气就随住d水蒸气飘出黎，闻到好香嘅果味。入面有两片苹果、两片柠檬、百香果粒同埋大量菠萝粒，饮到尾就见到杯底有好多菠萝粒同埋百香果粒，多到可以滗起嚟食！唔怪得咁香啦！茶底有d似柠檬茶，入口果香同茶香充斥整个口腔，感觉清新醒神。「完美甜」嘅甜度都适中，唔会甜得滞盖过茶嘅味道。
张贴
