Bistronomique

营业中

休息中

“Bistronomique”喺西环已经系好多年嘅French，佢menu嘅嘢系几authentic，好耐冇见menu同时有马赛鱼汤、洋葱汤同红酒炖牛脸牛尾了。牛肉他他系有惊喜嘅，明显佢系他他之外落咗好多配料，够味又够嚼口，好接近法国小餐馆水平了。汤其实我挣扎咗好耐，最后拣马赛鱼汤，因为比较少地方有，最后亦都冇令人失望。Main嘅两个dish就拣咗红酒炖牛脸牛尾同黑松露羊肚菌鹅肝煮白鸽。牛脸牛尾非常林，亦都非常入味，感觉上仲好食过当地Alsace嘅出品，不过蔬菜煮得太大粒，而且唔似系一齐炖。鹅肝煮白鸽我会认为系ok，白鸽有slightly overcooked，其他配料正常发挥，唔好同米芝莲嘅法国餐厅比了。甜品嘅creme brulee系可以嘅，不过plating就…最后讲讲服务。侍酒服务系几唔错，醒酒认真，用灯光照住decanter慢慢倒酒，以HKD 150嘅开瓶费，算系几好了。今晚得我哋一枱包场，对住海边食，其实食物质素已经唔太重要。