石一燒 (九龍城) (已結業)

香港人生活急速，真系好需要慢活既时候。好少餐厅晚市会唔限时俾你慢慢食，今晚我地就要享受慢活慢慢食！😌呢间石一烧有两间分店，今晚我地黎九龙城呢间。佢有好多款套餐，店员都好热情同我地介绍，我地今日两个人叫左个最basic既尊上之二人前 （$598），套餐内容都好丰富: 🔶️沙律呢个沙律好大碟，个碟又好靓！仲要一啲都唔马虎，中间加左海带，好有咬口，好有层次。🔶️樱花虾味噌汤惊喜！中意！劲多樱花虾浮面，饮落好有鲜味！🔶️前菜三品佢好有心意排左顺序＜甜＞＜酸＞＜辣＞三品，分别系炸鱿鱼，菇菇同埋豆腐。三个前品都十分高质，炸鱿鱼有海苔喺炸浆入面，好有海苔味好特别！菇菇酸酸味味咁，好开胃！最后豆腐咬落口感特别，挺身又有一丝丝既纹路，上面配埋唐幸子，好有惊喜，中意！主角三款烧肉出场，块岩石超级热！好开心☺️🔶️日本佐贺县名水豚猪梅肉🔶️美国顶级（Prime)牛小排🔶️英国羊西冷（皇室御用级别）最中意系个牛小排，脂肪比例均匀，食落好有牛味。另外羊西冷都唔系度度地方食到，好名贵既食材。🔶️菇盛会好多菇，好多洋葱，好多菜！食材都好新鲜，洋葱好甜。可以平衡食肉既罪疚感😈🔶️饭素有饭！我中意☺️米饭好绵好好味，我食哂成碗！🔶️日式甜品